പെയിൻ ആൻഡ് പാലിയേറ്റീവ് കെയർ ദിനം പാവറട്ടിയിൽ സാന്ത്വനം പാലിയേറ്റീവ് കെയറിന്റെ നേതൃത്വത്തിൽ പാലിയേറ്റീവ് കെയർ ബോധവൽക്കരണ റാലി സംഘടിപ്പിച്ചു.ഇസ്ലാമിക് വൊക്കേഷനൽ ഹയർസെക്കൻഡറി സ്കൂളിലെ ഹയർസെക്കൻഡറി വിഭാഗവും വൊക്കേഷനൽ ഹയർസെക്കൻഡറി വിഭാഗവും എൻഎസ്എസ് വളണ്ടിയേഴ്സ് പങ്കെടുത്തു.
പെയിൻ ആൻഡ് പാലിയേറ്റീവ് കെയർ ദിനം ഒരുമനയൂർ ഗ്രാമ പഞ്ചായത്തിന്റെ നേതൃത്വത്തിൽ പഞ്ചായത്ത് മെമ്പർമാർ, ഹെൽത്ത് സെൻറർ ഡോക്ടർ , ആരോഗ്യ പ്രവർത്തകർ , ആശാവർക്കർമാർ, എൻഎസ്എസ് വോളണ്ടിയേഴ്സ്, അധ്യാപകർ എന്നിവർ സംയുക്തമായി മുത്തംമാവിൽനിന്ന് പഞ്ചായത്തിലേക്ക് കൂട്ടയോട്ടം സംഘടിപ്പിച്ചു.
അന്തർജില്ല PAC visit. മലപ്പുറം PAC ശ്രീ. രാജ് മോഹൻ P T , ശ്രീ. സൂര്യതേജസ് എന്നിവർ ഇസ്ലാമിക് വൊക്കേഷണൽ ഹയർസെക്കൻഡറി സ്കൂൾ ഒരുമനയൂർ, ഹയർസെക്കൻഡറി വിഭാഗം NSS യൂണിറ്റിലെ അംഗങ്ങളെ സന്ദർശിക്കുകയും വിലയിരുത്തുകയും ചെയ്തു.
ഒരുമനയൂർ ഗ്രാമ പഞ്ചായത്തും ഹരിത കേരളം മിഷനും സംയുക്തമായി നടപ്പിലാക്കുന്ന 'ഇനി ഞാൻ ഒഴുകട്ടെ ' എന്നാ തണ്ണീർത്തട സംരക്ഷണ പരിപാടിയിൽ എൻഎസ്എസ് വോളണ്ടിയേഴ്സ് സജീവമായി പങ്കെടുത്തു.
ഹരിത ഗ്രാമത്തിലെ അംഗങ്ങൾക്കായി പ്രഥമശുശ്രൂഷ ക്ലാസ്സ് ഹെൽത്ത് ഇൻസ്പെക്ടർ ശ്രീ.സുധീർ സാറിൻറെ നേതൃത്വത്തിൽ നടത്തി. എൻഎസ്എസ് PO സുമ ടീച്ചർ വ്യക്തിത്വ വികസനം , സമദർശൻ എന്നീ വിഷയങ്ങളെ ക്കുറിച്ച് ക്ലാസ്സെടുത്തു. ഒരുമനയൂർ പഞ്ചായത്ത് വൈസ് പ്രസിഡണ്ട് ശ്രീമതി. ലീന സജീവൻ പരിപാടി ഉദ്ഘാടനം ചെയ്തു.
ശിശുദിനത്തോടനുബന്ധിച്ച് ഹരിത ഗ്രാമത്തിലെ അംഗൻവാടിയിലെ വിദ്യാർഥികൾക്ക് എല്ലാവർക്കും മുത്ത് പിടിപ്പിച്ച സ്ലേറ്റും മിഠായിയും സ്നേഹ സമ്മാനമായി നൽകി. കലാപരിപാടികൾ അവതരിപ്പിച്ചു .
